"Нур"лардан бәйгегә фильм

Теле- һәм радиожурналистика серләренә өйрәнүче балалар үзләрен актер да, сценарий язу остасы да, тавыш режиссеры да, оператор буларак та сыныйлар. Кыска метражлы фильмнар төшерү буенча да тәҗрибәләре зур һәм җиңүләре дә байтак.

Каникулның соңгы көнендә “Милли Мультfеst” республика балалар кинофестивале өчен тагын фильм төшерде алар. Резеда Вәлиеваның “Туган көндә” хикәясе нигезендә төшерелгән фильм яшь һәм өлкән буын арасындагы мөнәсәбәт үзенчәлекләрен тасвирлый. Укучылар сараенда эшләүче мөгаллимнәр һәм телестудия укучылары – биредә уйнаучы актерлар.

Фильмның бәйгедә җиңүен һәм укучыларга зур уңышлар алып килүен телибез.