Пиротехника белән сак булыгыз!

Арча һәм Әтнә районнары буенча янгын күзәтчелеге бүлеге пиротехника белән эш иткәндә үтәлергә тиешле кагыйдәләрне исегезгә төшерә. Кибет һәм базарларда шартлаткыч уенчыклар сатыла башлады: салютлар, питардалар, хлопушкалар һ.б. Бу товарларны сатучыга да, сатып алучыга да аерым кагыйдәләр бар: товарның сертификаты булырга һәм алар махсус тимер капларда сакланырга тиеш, сату мәйданнары бүленгән һәм янгын сүндергечләр белән тәэмин ителсен, 16 яше тулмаган балаларга бу төр товарларны сату катгый тыела.

Пиротехник эшләнмәне сатып алган очракта куллану инструкциясен укырга онытмагыз. Пиротехник эшләнмәне бина эчендә кулланырга, утка ыргытырга, кабызган килеш кулда тотып торырга, алар белән тәмәке кабызырга ярамый. Кабызылган петардаларны кешеләр, хайваннар ягына ыргытырга ярамый. Юешләнгән пиротехник эшләнмәләрне электр плитәләренә, җылыту батареяларына куеп киптерү тыела.

Янгын вакытында 01, 112, Арча янгын сүндерү частена 3-59-01 номерлары аша хәбәр итәргә.

Илгизәр  Исмәгыйлев,

Арча һәм Әтнә районнары буенча янгын күзәтчелеге бүлеге дәүләт инспекторы.