Район Советы утырышы

6 июльдә дүртенче чакырылыш Арча район Советының чираттагы 30нчы утырышы булды.

Утырышта Арча муниципаль районының 2023 елның беренче  яртыеллыгындагы бюджеты үтәлеше һәм башка район тормышына кагылган муниципаль хокук актларына үзгәрешләр һәм өстәмәләр кертү турындагы мәсьәләләр каралды һәм карарлар кабул ителде. Алар белән сез районның рәсми сайтында таныша аласыз.

Соңыннан район башлыгы Илшат Нуриев шәһәр һәм  авыл җирлекләрендә салымнар түләү буенча эшне яхшыртуны таләп итте.

Илшат Нуриев Утар Аты авыл җирлеге башлыгы Альбина Мөхәммәтгалиеваны туган көне белән тәбрикләде.