Арск-Информ
  • Рус Тат
  • Ришат Фазлыйәхмәтов мәхәббәтен тапкан

    Ришат Фазлыйәхмәтов сөйгәне турында: "Кунакка кайтты да калды!". Җырчының тормышы төбеннән үзгәргән!

    Күп артистлар үзизоляция режимына көенеп, төшенкелеккә бирелсә, популяр җырчы Ришат Фазлыйәхмәтовның тормышы 180 градуска үзгәргән. Тамашачыларын онлайн концертлар белән сөендерүче Ришат гашыйк булган! Шатлыгы белән уртаклашып җырчының үзенә шалтыраттык.

    - Бу үзизоляция миңа файдага гына булды. Үз гомеремдә беренче тапкыр чын-чынлап гашыйк булдым!

    - Йөрәгеңне ничек яулады, әйт әле?
    - Ягымлы карашы, чибәрлеге һәм ихласлыгы белән. Аш-су өлкәсендә дә уңган. Бар яктан булган, тырыш кыз.

    - Моңа кадәр таныш идегезме, Ришат?
    - Күргәнем бар иде. Минем дустыма кунакка кайтты. Алар - якын дуслар. Эльмира белән якыннан танышып киттек һәм бүгенге көндә без бергә, Аллага шөкер! Менә шулай, кунакка кайтты да калды! (көлә)

    Реклама

    - Син Эльмираны "спортсменка, комсомолка и просто красавица" дидең. Әллә чынлап та спортчымы?
    - Дүрт яшеннән фигуралы шуу һәм спорт гимнастикасы белән шөгыльләнә. Ә төп эше чит илдән киемнәр кайтару белән бәйле.

    - Димәк, "Серләреңне миннән яшермә" җырының клибы юкка гына боз сараенда төшерелмәгән. Клипта Эльмира катнаштымы?
    - Юк, ләкин киләчәктә клипларымда төшәр дип өметләнәм.

    - Ришат, бәхетең һәрчак тулы булсын! Уңышлар сиңа!

    Лена Рәхимова

    http://shahrikazan.ru/news/shou-biznes/rishat-fazlyykhmtov-niayat-mkhbbte-beln-tanyshtyrdy

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: