«Шишор» - «Иң яхшы фольклор коллективы» номинациясендә җиңүче

17 июльдә Морки районының Шоруньжа авылында «Сан пайрем» («туй бәйрәме») милли туй йолаларының VIII төбәкара фестиваль-конкурсы узды. Арча муниципаль районыннан фестивальдә «Шишор» халык фольклор ансамбле (җитәкчесе О.Антипова) катнашты. Фестиваль-конкурс милли туй йолаларын саклау, туй традицияләрен торгызу һәм алга таба үстерү процессында буыннар дәвамчанлыгын яңарту, яшьләргә буыннар тарафыннан тупланган тормыш һәм рухи тәҗрибәне тапшыру, туй йолаларының саклану дәрәҗәсен ачыклау максатларында үткәрелде. «Иң яхшы фольклор коллективы» номинациясендә ансамбльгә Диплом тапшырылды. 
Чыганак: Арча мәдәният йортының МАХтагы төркеме