Сөрдедән Һәдия апаның күңеле булган

Бер—беребезне бик сагынган идек. Сөйләшеп сүзләребез бетмәде, -- дип язган Сөрдедән Һәдия апа Камалова. --  Өлкәнннәрне клубка җыйдылар. Безне бик зурлап каршы алдылар. Концерт карап, чәй өстәле артында кунак булдык.

Хәзер аяклар авырта, гел очрашып тормыйбыз.

Безгә шундый очрашу, бәйрәм оештырганнары өчен клуб мөдире Гөлнара Вәлиевага, аның кызы Гүзәлгә, китапханә мөдире Алсуга, безнең өчен йөгереп йөргән Рәхиләгә бик зур рәхмәт. Рәхмәтебезне шулай ук матур итеп биюче кызларга, кечкенә җырчыбыз Әхмәткә, авылның оста гармунчысы Наил Сабировка һ.б. юллыйбыз.

Без бу очрашудан авыруларыбызны онытып яшәреп кайттык. Үзебез дә тик утырмадык, уйнадык та, җырладык та. Безнең җирлектәге “Аю” ширкәте дә күчтәнәчләр өләшеп куандырды.

Һәркемгә саулык, иминлек, тынычлык, эшләрендә, укуларында гел уңышларга гына ирешүләрен теләп калам. Барча өлкәннәр исеменнән Сөрде авылыннан Һәдия әбиегез Камалова.