Арск-Информ
  • Рус Тат
  • Татарстанда коронавирус инфекциясе йоктыруның тагын алты яңа очрагы теркәлгән

    Инфекция эләктергән кешеләрнең барысы да хастаханәдә, аларның хәле канәгатьләнерлек дип әйтерлек.

    Татарстанда Covid-19 коронавирус инфекциясе йоктыруның тагын алты яңа очрагы теркәлгән. ТР Президентының матбугат хезмәте җитәкчесе Лилия Галимова «Татар-информ» агентлыгына шул хакта хәбәр итте.

    «Вирус Франция, Германия һәм Швейцариядән кайткан татарстанлыларда ачыкланды. Аларның хәле канәгатьләнерлек дип әйтерлек, температуралары юк. Барысы да табиблар күзәтүендә, моңа кадәр карантинда булганнар», - дип ачыклык кертте ул.

    Реклама

    Роспотребнадзор мәгълүматларыннан күренгәнчә, бүгенге көндә дөньяда коронавирус инфекциясе йоктыруның 1 миллионнан артык очрагы теркәлгән, бер тәүлек эчендә аны 80,4 мең кеше эләктергән. Россиядә Covid-19 коронавирусы йоктыруның 3,5 мең очрагы теркәлгән, шуның 771е – соңгы тәүлектә.

    Татар-информ

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: