Арск-Информ
  • Рус Тат
  • Татарстанда кайсы продуктлар кыйммәтләнгән, ә кайсылары арзанайган

    Бу хакта Татарстанстат хәбәр итә.

    (Казан, 8 ноябрь, «Татар-информ»). 29 октябрьдән 1 ноябрьгә кадәр бер атна эчендә башлы суган һәм алманың бер килограммы 0,4 һәм 0,21 процентка арзанайган. Бу хакта Татарстанстат хәбәр итә.

    Кишер дә 0,04 процентка арзанайган һәм әлеге яшелчәнең бер килограммы ай башында уртача алганда 34,27 сум торган. 1 һәм 2нче сортлы бодай оныннан пешерелгән ипи һәм күмәч эшләнмәләре 0,14 процентка очсызланган. Арзанлы кара чәйнең бәясе дә 0,7 процентка кимегән, 1 ноябрьгә аның килограммы уртача алганда 840,06 сум тәшкил иткән.

    Татарстанстат китергән мәгълүматлардан күренгәнчә, 25 октябрьдән 1 ноябрьгә кадәр бер атна эчендә ярымысланган колбаса (бер килограммы - 0,67 процентка), балалар өчен ит консервлары (0,31 процентка), туңдырылган балык (0,08 процентка) һәм аш тозы да (0,09 процентка) арзанайган.

    Реклама

    Хәзер дуңгыз итенең бер килограммын 0,22 процентка арзанрак бәягә сатып алырга мөмкин. Әмма итнең башка төрләре (сыер ите – 0,63, сарык ите 0,39 процентка) кыйммәтләнгән. Шулай ук тавык итенең бер килограммы – 0,16, майлы эремчек – 1, дөге – 2,68, карабодай ярмасы – 2,81, бәрәңге – 2,37, кәбестә 1,34 процентка кыйбатланган.

    Тавык йомыркасының бәясе аеруча нык арткан. Аның бер дистәсе 1 ноябрьгә уртача алганда 72,39 сум торган. Бу бер атна элек булган мәгълүматларга караганда 3,37 процентка артыграк.

    Тулырак: https://tatar-inform.tatar/news/business/08-11-2021/tatarstanda-alma-m-sugan-arzanaygan-tavyk-yomyrkasy-m-d-ge-kyymm-tl-ng-n-5842703

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: