Арча стадионына, Казансу паркына төшә торган юлга тротуар ясыйлар

Бу машиналар йөри торган юл. Хәрәкәтнең тынып торганы юк. Җәяүлеләр, велосипед белән дә күп йөриләр. Берьюле бер яшь бала уенчык машинада менеп килә. Борылышта кинәт кенә каршыга килде дә чыкты. Ярый, машинаны туктатып өлгердем. Бу юлның хәтәрлеге зур. Вакыйгалар булгалады. Монда җәяүлеләр юлы бик кирәк. Анда эшләүче егетләр белән сөйләштем. Без "Водоканал-Сервис" оешмасыннан, диделәр. Казан оешмасы белән берлектә эшлиләр. Аңлавымча, җәяүлеләр юлы Вахитов урамына кадәр булачак.