Арск-Информ
  • Рус Тат
  • Яшь армиячеләр дә йортлы булды

    5 майда Арча Укучылар сараенда һәм Яңа Кенәр иҗат йортында яшь армиячеләр җыелды. Бу көнне районыбызның хәрби отрядларында булган егет-кызлар өчен “Яшь армиячеләр йорты” ачылды.

    Арчада узган тәрбияви чараның без дә шаһитлары булдык. Тантаналы чарада район башлыгы Илшат Нуриев, Арча һәм Әтнә районнары буенча хәрби комиссар Алмаз Борһанов, район мәгариф идарәсе җитәкчесе Рамил Мөхәмәдияров та катнашты. “Һәркайсызга нык сәламәтлек телим. Гел шундый актив яшьләр булып калыгыз. Сез үсеп килүче кечкенә буынга үрнәк күрсәтүчеләр булырга тиеш”, – дип, Илшат Нуриев җыелган яшь армиячеләргә мөрәҗәгать итте. Тәрбияви чара Укучылар сараеның спорт залында башланса, төп өлеше “Яшь армиячеләр йорты” буларак җиһазландырылган кабинетта дәвам итте. Кызыл тасманы район башлыгы яшь армиячеләр белән бергә кисте.

    Арча районының барлык мәктәпләрендә яшь армияче хәрәкәтендә актив балалар арта бара. Бүген аларның саны – 650. Хәзер аларның җыелыр урыннары да бар. “Яшь армиячеләр йортында” әлеге хәрәкәттә катнашучылар бергәләп төрле чаралар уздыра, яңалыклар белән уртаклаша һәм киләчәккә планнар кора ала.

    Реклама

    Яшь армиячеләр хәрәкәте – ул уникаль патриотизм мәктәбе. Аның төп максаты – үз Ватанын яратучы һәм аны якларга әзер булучы акыллы, сәламәт буын тәрбияләү.

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: