Бүген иртән танышларым берничә тапкыр шалтыратты.
- Фәләнне Казанга алып киткәннәр икән, хәле авыр ди, коронавирус икән.
Исем-фамилиясен әйтеп сөйлиләр. Шуннан "коронавирус белән Казанга алып киткән" кешегә шалтыраттым.
Чөнки мин ул кешене яхшы беләм.
Шунда ук телефонны алды. Кәефе шәп!
- Нишлисең? - дип сорадым.
- Парникта җир казыйм, - ди бу. - Кил, шашлык пешерәбез, - дип кунакка да чакырды әле.
- Поликлиникага барганың юктыр? - дип тә сорадым әле.
- Биш былтыр, барган юк!
Менә шулай, теләсә нәрсәгә ышанмагыз.
Иң мөһиме - күңел төшенкелегенә бирелмәгез! Нык торыгыз!
Хәзер Арча һәм Арча районы яңалыкларын безнең Telegram-каналдан да белә аласыз
Иң мөһим һәм кызыклы язмаларны Татмедиа Telegram-каналында укыгыз
