Арча яңалыклары
Йомгак ясап, бурычларны билгеләделәр
16 февральдә Арча район Советының чираттагы 7нче утырышы булды.
Анда Татарстан Республикасы Премьер-министры урынбасары Васил Шәйхразиев катнашты.
Васил Шәйхразиев белән Арча район башлыгы Илшат Нуриев башта ятим балаларны торак белән тәэмин итү программасы буенча төзелгән 4 фатирлы йортны тапшыру тантанасында катнаштылар.
Аннан соң район Мәдәният йортында оештырылган күргәзмәне карадылар, анда безнең районда җитештерелгән продукция үрнәкләре, башка иҗат эшләре һ.б. куелган иде.
Утырышта 2020 елда районның социаль-икътисадый үсеше һәм 2021 елга бурычлар турында район башлыгы, район Советы рәисе Илшат Нуриев чыгыш ясады.
Васил Шәйхразиев үзенең чыгышында арчаларның эшләрен уңай бәяләде, булган мөмкинлекләрне тулырак файдаланырга чакырды.
Соңыннан бер төркем алдынгыларга дәүләт бүләкләре тапшырылды.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев