Юл һәлакәтендә өч кешенең гомере өзелгән

Беренчел мәгьлүматларга караганда,  Россиядә җитештерелгән Лада Гранта автомобиленең 43 яшьлек йөртүчесе каршы як полосага чыга һәм Скания авыр йөк ташучы машина белән кара-каршы бәрелешә.

Коточкыч юл-транспорт һәлакәте нәтиҗәсендә, җиңел автомобиль йөртүчесе һәм аның ике пассажиры һәлакәт урынында вафат була. Аларның берсенә 41 яшь, икенчесенә - 29 яшь була, дип хәбәр итә ТР буенча Эчке эшләр министрлыгы матбугат хезмәте. Хәзер юл-транспорт фаҗигасенең барлык шартлары һәм сәбәпләре ачыклана.

                                                                                   Фото: социаль челтәрләрдән

http://shahrikazan.ru/news/kyiskacha-yaңalyiklar/yashel-zn-yulynda-ch-keshene-gomere-zel