Юлларда хәвеф-хәтәрсез йөрик

Татарстан Республикасының юл хәрәкәте куркынычсызлыгын тәэмин итү буенча хөкүмәт комиссиясе утырышы булды ул. Утырышны комиссия рәисе урынбасары Шамил Гафаров алып барды.Киңәшмәдә ТРның юл хәрәкәте куркынычсызлыгы буенча баш дәүләт инспекторы Ленар Габдурахманов, ТРның ттранспорт һәм юл хуҗалыгы министры Фәрит Хәнифов һ.б. катнашты.

Видеорежимда үткән утырышта район башкарма комитеты җитәкчесе Рәсүл Мөхәрәмов, ЮХИДИ бүлекчәсе җитәкчесе Ришат Хуҗин катнашты. Узган елга нәтиҗәләр ясалды. Кышкы чорда юлларны карау, юлларның сыйфаты, юлларда хәвеф-хәтәрсез йөрү, бу теманы масса-күләм матбугат чараларынада яктырту һ.б. мәсьәләләр турында сөйләшенде. 

Республиканың матбугат һәм массакүләм коммуникацияләр буенча "Татмедиа" агентлыгы җитәкчесе Айдар Сәлимгәрәев юл хәрәкәте куркынычсызлыгы темасын яктырту буенча чыгыш ясагач, Шамил Хәмитович журналистлар хезмәтенә рәхмәт әйтте. Узган атнада республикада спиртлы эчемлек эчкән 264 кеше дәүләт инспекторлары тарафыннан тоткарланган. "Бу бик зур сан, -- диде Шамил Гафаров. -- салган баштан руль артына утыру ул кулга пистолет, корал тотып йөрүгә тиң. Аларны атна буе массакүләм коммуникацияләрдә күрсәтергә кирәк".

Соңыннан районда юл хәрәкәте куркынычсызлыгы буенча җитди сөйләшү булды.  Эчкән килеш юлда эләккән машина йөртүчеләрне төшергән видеорепортажларны телеграмм-каналга кую турында да сүз булды.

Тулырак итеп район газетасында язарбыз.