Арск-Информ
  • Рус Тат
  • "Замана журналисты" уен-квесты узды

    Районның Үзәк китапханәсенә журналистика өлкәсе белән кызыксынучы яшьләр җыелды

    Бүген, 14 октябрьдә китапханәдә "Замана журналисты" исеме астында кызыклы чара узды. Биредә Арча педагогия көллиятенең беренче курс студентлары һәм "Радиожурналистика" түгәрәгенә йөрүчеләр килде. 

    Чараның төп өлешенә кадәр, алып баручы Рилә Габдрахманова катнашучыларны сәламләп, аларга журналистика турында гомуми белешмә бирде, алар белән аралашу оештырып алды. "Блогер һәм журналист нәрсәсе белән аерыла?" дигән темага видеоязма күрсәтелде. 

    Алга таба катнашучылар 3 командага тупланып, 4 тукталышта биремнәрне үтәделәр. Сорау-биремнәр журналистика белән бәйле иде. Һәр тукталышта командалар журналлар белән селфи ясап, аларны үз инстаграм битләренә куйды.

    Реклама

    Уен-квестка гомуми нәтиҗә ясалганнан соң, кызыксынучы яшьләр "Арча хәбәрләре" редакциясенә һәм "Арча" радиосына юл тотты. Биредә аларга баш мөхәррир Исрафил Насыйбуллин мәгълүматка бай экскурсия уздырды. 

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: