Үзләре ясаган сыраны эчеп үлгәннәр

54 яшьтәге Мелвин Африканер һәм аның 50 яшьлек хатыны  Винни имбирдән ясалган сыра эчкәннәр һәм үзләрен начар  хис иткәннәр. Ир дә, хатын да соңрак реанимациягә озатылган, әмма дәваханәдә аларны коткарып кала алмаганнар.

Дәваханә хезмәткәрләре каза күрүчеләрне коткару мөмкин түгел иде дигәннәр. Африканерның  туган тиешле кешесе исә гаиләнең сырага спирт кушуын сөйләгән. Ир белән хатынның нәкъ сыра эчеп үлүен раслар өчен полициядә мәетләрне ярдыру процедурасын көтәләр.

ЮАР президенты Сирил Рамафосның коронавирус таралуны туктату максатыннан алкоголь белән тәмәке сатуга кертелгән чикләүләр  аркасында илдә йорт шартларында сыра кою популярлашып киткән. ЮАР халкы бу эчемлекне имбир һәм ананас кушып әзерли икән.

https://omet-rb.rbsmi.ru/articles/d-nyada-nil-r-bar/zl-re-koygan-sira-echep-lg-nn-r-280194/