Татарстанның электрон мактау тактасына «Идел-пресс»ның 14 хезмәткәре кертелде
Татарстанның электрон мактау тактасы бүген «Идел-Пресс» полиграфия нәшрият комплексының 14 хезмәткәренең исеме белән тулыланды. Алдынгы хезмәткәрләрне хөрмәтләү тантанасы «Татмедиа» Республика матбугат һәм массакүләм коммуникацияләр агентлыгы бинасында узды, ә бүләкләрне аларга агентлык җитәкчесе Айдар Сәлимгәрәев тапшырды.
«Бу мактаулы билге генә түгел, ә аларның намуслы хезмәтен һәм профессиональлеген җәмәгатьчелекнең тануы», – дип ассызыклады «Идел-пресс» генераль директоры Әнәс Әскәров.
Нәшрият комплексының һәр тиражында, һәр китабында, һәр газетасында әлеге атказанган хезмәткәрләрнең хезмәте салынуын ассызыклады ул.
Мактаулы бүләкләр алганнан соң, барлык хезмәткәрләр дә шул ук бинада урнашкан 135 нче сайлау участогында тугызынчы чакырылыш Дәүләт Думасына депутатлар сайлауда катнаштылар. ЧЫГАНАК
Нет комментариев