Рейдлар нәтиҗәсендә миграция законнарын бозуның 23 очрагы теркәлгән, дүрт чит ил гражданына карата Россиядән мәҗбүри чыгару турында карар кабул ителгән.
Рейдлар барышында нәрсәләр ачыкланган?
Россия Эчке эшләр министрлыгының Арча районы буенча бүлеге хезмәткәрләре чит ил гражданнарының Россиядә булу тәртибен үтәвен, хезмәт эшчәнлегенә рөхсәт документлары булуын тикшергән.
Ачыкланган хокук бозулар өчен:
-
9 чит ил гражданы Россиядә булу режимын бозган өчен административ җаваплылыкка тартылган. Аларга 2000–5000 сум күләмендә штраф салу каралган (РФ КоАПның 18.8 маддәсе, 1 өлеше);
-
4 чит ил гражданына карата Россиядән мәҗбүри чыгару турында карар кабул ителгән (18.8 маддәнең 1.1 өлеше);
-
5 граждан Россиядә законлы булу хокукын раслаучы документлары булмаган чит ил гражданнарына торак биргән өчен 2000–5000 сум күләмендә штрафка тартылган (18.9 маддәнең 3 өлеше);
-
бер чит ил гражданы рөхсәт документларыннан башка эшләгән өчен 2000 сум штрафка тартылган (18.10 маддәнең 1 өлеше). Аны законсыз рәвештә эшкә алган эш бирүчегә дә 2000 сум штраф салынган (18.15 маддәнең 1 өлеше).
Ялган теркәү факты буенча җинаять эше кузгатылган
Моннан тыш, чит ил гражданнарын миграция исәбенә ялган теркәү факты буенча Россия гражданына карата РФ Җинаять кодексының 322.3 маддәсе нигезендә бер җинаять эше кузгатылган.
Арча районы буенча Россия Эчке эшләр министрлыгы бүлеге миграция законнарын бозган өчен административ һәм җинаять җаваплылыгы каралуын искәртә.
Бу хакта Арча районы буенча Россия Эчке эшләр министрлыгы бүлеге начальнигы урынбасары — миграция мәсьәләләре бүлекчәсе начальнигы, полиция подполковнигы О.В. Лошакова хәбәр итә.
Нет комментариев