Арск-Информ
  • Рус Тат
  • Катнаш никахлар: «Ирем минем өчен мөселман диненә күчеп, исемен алыштырды» ("Интертат", Энҗе Габдуллина)

    «Рус кына алып кайтма», яки «татарларга кара инде» дигән гаять «табигый» сүзләрне ишетеп үскән буынның катнаш никахка карашы ничек? Мәхәббәт эшендә дин белән милләткә урын бармы? Сөйгәне өчен динен алыштырган парларга мөнәсәбәт нинди?

    Язма үзәгендә ике пар. Ике мәхәббәт тарихы һәм ике катнаш никах. Татар авылларында үскән егет-кызларга еш кына «рус ияртеп кайта күрмә» дигән сүзләр ишетергә туры килгәндер. Бу, әлбәттә, дискриминация түгел. Ә бары тик «үз милләтеңнән, динеңнән булганны кара» дигән сүз. Ни дисәк тә, катнаш никах мәсьәләре хәзерге заманда гына түгел, бик күптәннән булган. Флүс Латыйфиның «Хыянәт»ендә дә, Гаяз Исхакыйның «Ул әле өйләнмәгән иде»сендә дә катнаш никах темасы ярылып ята. Булган, бар һәм булачак темага хәзерге көн яшьләре ничек карый соң? Мәхәббәткә дин белән милләт киртә була аламы?

    «Татар егете белән йөрисем килә иде»

    Йолдыз белән Андрейның мәхәббәт тарихы бик гади башланып китә. Кафе, язышулар, очрашып йөрүләр, ә аннары – никах белән туй.

    Андрей тумышы белән Ростов өлкәсендәге Кривая Лука дигән хутордан. 23 яшендә вахта методы белән эшләргә чыгып киткән. Илнең төрле төбәкләрендә эшли һәм берьюлы аны Чаллыга җибәрәләр. Килеп бер атна үтте дигәндә, Андрей дус егете белән кафега бара. Шул ук кафега шул ук сәгатьтә дус кызы белән Йолдыз да килеп керә. Йолдызның дус кызы белән Андрейның дус егете танышып китәләр. Икенче көнне дус кызы Йолдызның номерын Андрейга бирүен әйтә. Йолдыз бу аралашуны кызык өчен дип кенә кабул итә, чөнки моңа кадәр рус милләтеннән булган егет белән йөреп, «авызы пешкән» була аның.

    Аның белән уйнап кына аралаша башладым. Башта языштык, аннары телефоннан сөйләшә башладык. «Биш кенә минутым бар», - дия идем дә, үзем берешәр сәгать сөйләшә идем. Аннары күрештек. Беренче күрүдә үк ошаттым, сөйләшергә дә «приятно» иде.

    Реклама

    Аннары аның Чаллыда эше бетте. Еракка Башкортстанга китәргә тиеш иде. Ул үзенең җитәкчеләреннән якынрак җирдә калдыруларын сорады, аны Әлмәткә җибәрделәр. Ул вакытта атна саен күрешеп йөрдек. Ә аннары язга хәтле аларның эшләре бөтенләй бетте, ялга җибәрделәр. «Нишлибез?» – ди. «Белмим», – мин әйтәм. Ул ялга Ростовка кайтып китәргә тиеш иде. «Юк, кайтмыйм, монда фатир «снимать» итәм, эшкә керәм», – ди. Ә минем ул еракка китәр, мине ташлар дигән курку хисе дә бар иде. Юкка курыкканмын икән, – ди Йолдыз.

    Бу хакта тулырак: https://intertat.tatar/news/irem-minem-ocen-moselman-dinena-kucep-isemen-alystyrdy-5853485

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: