Арск-Информ
  • Рус Тат
  • Мөрәленең моңсу көне

    Мөрәленең моңсу көне

    Вакыт табып, дустым, безгә

    Кил, күр әле:

    Җырлый чишмә, яши авыл!

    Ул – Мөрәле!

     

    Якташыбыз Хәнәфи Бәдигыйның “Безнең авыл” шигырендәге әлеге юллар бүген бигрәк тә моңсу яңгырый. Килдек без бүген Мөрәлегә Хәнәфи дус! Әйе, матур, таза авыл, чишмәләре дә җырлап ага, яши авыл! Әмма гомере буе туган авылы белән элемтәне өзмәгән  язучы, шагыйрь, галим якташыбызны соңгы юлга озатырга килдек. Аның туган йорты каршында тукталып хушлаштык.

    Район мөхтәсибе Әмир хәзрәт дога укыды. Район башлыгы Илшат Нуриев, дуслары, авылдашлары мәрхүм турында җылы сүзләрен әйттеләр.

    Хәнәфи Бәдыйков  узган гасырның 70 нче елларында Арча район газетасында хатлар бүлеге мөдире булып эшләде, каләмен шунда чарлады. Кесмәс буендагы авылларда туып-үскән талантлы якташларыбыз сафын тулыландырды.

    Без аның туганнарының, якыннарының кайгыларын уртаклашабыз.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: