Алты яшьтән 18 яшькә кадәрге мәктәп укучылары өчен түләүләр кайчан һәм ничек биреләчәк?

Бу хакта РФ Дәүләт Думасы депутаты Олег Шеин сөйләде. 10 мең сум күләмендәге акча ата-аналар счетларына автоматик рәвештә күчереләчәк.

Акча күчерүнең мондый ысулын инде узган елда ук җитештергәннәр, дип ассызыклады депутат URA.RU белән әңгәмәдә. "Мәктәп укучылары өчен 10 мең сум күләмендәге түләүләр автоматик рәвештә күчереләчәк, дип уйлыйм. Бездә бит мондый түләүләр узган ел булды һәм шулай ук автоматик тәртиптә үткәрелде ", - диде Шеин.

Ата-аналардан гариза кирәк түгел, чөнки балаларның туган елы күрсәтелгән бердәм база бар. Беренче чиратта акчаларны, узган елгы пандемия чорындагы кебек үк, аналарга күчерәчәкләр, дип билгеләде депутат.

http://shahrikazan.ru/news/kyiskacha-ya%D2%A3alyiklar/alty-yashtn-18-yashk-kadrge-mktp-ukuchylary-chen-tllr-kaychan-birelchk