Арчада "Радуга" сәүдә үзәге ачылырмы?

автор, 28 май 2020 - 08:13

1639

27 майда район башлыгы Илшат Нуриев, район прокуроры Фәнис Шәйхаттаров “Радуга” сәүдә үзәгендә эшләүче арендаторлар белән очраштылар.

Таҗвируска бәйле рәвештә карантин игълан ителгәннән бирле әлеге эшмәкәрләрнең эш урыннары ябык. Чикләүләр йомшару башлангач алар да сәүдә нокталары ачылуын көтә. Әмма әлегә кадәр үзгәреш юк.
Район башлыгы, район прокуроры әлеге эшмәкәрләрнең эш урыннарын карап чыктылар.
– Без барыгызның эшләвен телибез, хәлегезне аңлыйбыз, – диде район башлыгы. – Әмма куелган таләпләрне үтәмичә булмый. Без әлеге мәсьәләне өйрәнеп, иртәгә иртән җавап бирәчәкбез.