Балаларга 5 мең һәм 10 мең сум алам дип алданмагыз!

Монда сүз 3 яшькә кадәрле балаларга өч ай рәттән 5әр мең сум һәм 3 яшьтән 16 яшькә кадәрле балаларга бер тапкыр 10 мең сум бирү турында бара. Моның өчен Пенсия фондына гариза язарга кирәк.

Пенсия фонды алданмагыз дип кисәтә. Чөнки мошенниклар тик ятмый. Мошенникларның корбаны булмас өчен гаризаны бары тик  логин, паролең беләп кереп, gosuslugi.ru рәсми сайтында язарга кирәк. 

Интернетта уннарча дәүләт хезмәте һәм ресурслар интернет--сайтлар барлыкка килгән. Алар шулай ук пособиеләрне рәсмиләштерү хезмәтен тәкъдим итәләр. 

Без бу турыда Пенсия фондының Арчадагы клиентлар белән эшләү бүлеге җитәкчесе Рузия Илсуровна белән сөйләштек. Ул сак булырга чакыра. 

--Иң элек мәгълуматларны керткәнче, сайт адресын тикшерергә кирәк, -- дип киңәш бирә ул.