Баласын коткарганда анасы да батып үлгән

Яшь хатын һәм аның яшь ярымлык кызы Красноярск краеның Курагино бистәсендә шәхси йорты ишегалдында септикка (канализация чокыры) төшеп һәлак булганнар, дип хәбәр итә төбәкнең Тикшерү комитеты.

Аның мәгълүматларына караганда, җомга көнне кич белән септикта 26 яшьлек хатынның һәм аның баласының гәүдәләре табылган. "Беренчел тикшерү нәтиҗәләре буенча, кыз ишегалдында уйнаганда септикка ябылган резина келәмгә баскан һәм чокырга төшеп киткән. Әнисе, моны күреп, баланы коткарырга тырышып караган, әмма ул үзе дә, бала да батып үлгәннәр", - диелә хәбәрдә.

Әлеге факт буенча тиешле органнар тикшерү уздыра, фаҗиганең барлык сәбәпләре ачыклана.

Фото СК РФ.

https://kiziltan.rbsmi.ru/articles/donja/Balasin-kotkarganda-anasi-da-batip-lg-n-284968/