Казан укытучысы лотереяга миллион сум откан

«Хатын-кыз 02.02.2020 — «отышлы» дата дип уйлаган. Шуңа күрә ул отыш трансляциясе узган көнгә берничә лотерея билеты сатып алырга булган. Сатып алу алдыннан баю турында теләк теләгән», дип лотерея супермаркеты хәбәр итә.

Җиңүче сүзләренчә, ул үз бәхетенә ышана алмаган, ә нәтиҗәләрне игълан иткәннән соң беренче эш итеп балаларына һәм иренә шалтыраткан. «Барысы да шаяртам дип уйлады», — диде Любовь Никитина.

Казанда яшәүче миллион откан хатын-кыз акчаны иренә яңа автомобиль сатып алуга тотачак.

Татар-информ