«Казанка» хуҗалыгында урак өсте тәмамланды

Бүген район башлыгы Илшат Нуриев"Казанка" хуҗалыгы җитәкчесе Айдар Сабировны игеннәрне урып-җыюны төгәлләүләре белән тәбрик итте, хуҗалык игенчеләренә рәхмәт белдерде. Айдар Сабиров район башлыгына яңа уңыш ашлыгыннан пешерелгән икмәк тапшырды, коллективның хезмәт нәтиҗәләре турында сөйләде. 1759 гектардагы игеннәрнең һәр гектарыннан уртача 40ар центнер уңыш җыйнап алдылар. Комбайннар башка хуҗалыкларга ярдәмгә китте. Хәзер көзге чәчү, туфрак эшкәртү эшләре белән мәшгульләр. 

Хуҗалыкта яңа сөтчелек комплексы төзелеп бетеп килә.