«Лада» фура белән бәрелешкән, җиңел машинадагы пассажир зыян күргән
Татарстан юлында «Лада» автомобиле Пермь краеннан килүче фура белән бәрелешкән, җиңел машинадагы хатын-кыз пассажир зыян күргән.
Аварияне күргән кешеләр «Татар-информ» агентлыгына белдергәнчә, юл һәлакәте кичә көндезге өченчеләр киткәч республиканың Менделеевск районында Алабуга – Ижевск автомобиль юлында — Татар Чаллысы авылы янында булган.
«Лада» автомобиленең йөртүчесе, тайгак юлда идарәсен югалтып, Пермь крае номерлары куелган фураны «куып» җиткән.
Нәтиҗәдә, җиңел автомобиль юл читенә төшеп киткән.
«Юл һәлакәтендә „Лада“ның пассажиры зыян күргән. Ашыгыч ярдәм табиблары аны хастаханәгә алып китте», - дип белдерде авариянең шаһитлары.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев