Раушания Хәсәнова: "Бәхет бала тудыру йортында үлчәнә"

“Бар илләрдә табиб һөнәре хөрмәткә лаек. Безнең акушерлык-гинекология бүлегендә очраклы эләгеп, эшен яратмый эшләүчеләр юк. Һәммәсе югары квалификацияле, гел укып, белемнәрен күтәреп торалар. Хезмәткәрләр намуслы, ак күңелле, бәхет өләшүчеләр. “Бәхетне үлчәп булмый”, — диләр халыкта. Тик нык ялгышалар. Бәхетне авырлыкта да, озынлыкта да үлчәп була. Аны акушеркалар, яңа туган баланы кулларына алгач көн саен башкара. Бәхет бала тудыру йортында үлчәнә. Акушерка елмаеп, балаларны бу дөньяда тәүге сәламләүче дә. Алар иң тыныч кешеләр булып санала, чөнки көне буе тавыш эчендә эшлиләр һәм шул тавышка җавап итеп алардан тәҗрибә, яхшылык, игелек кенә иңә.  Хезмәттәшләремне һәм озак еллар эшләгән ветеран хезмәткәрләребезне һөнәри бәйрәмебез белән котлыйм! Медицина хезмәткәрләре кеше дәвалап, үз сәламәтлекләре турында да онытмасыннар. Мәрхәмәтле пацентлар гына туры килсен, авыр диагнозлар куелмасын. Киләчәктә дә хезмәттәшләрем белән сәламәтлек белән, күтәренке кәефтә эшләргә язсын, районда балалар да күп тусын