Сайлаулар башланды

Гаилә белән. Без килгәндә хәйран кеше җыелган иде. Сәгать 8 тулгач, сайлаулар башланды. Арчаның В.Ф.Ежков ис. 1 нче мәктәбендә урнашкан сайлау участогында Россия Президентына үзебез теләгән кандидатурага тавыш бирдек. Иң беренче булып Арчадан Алсу Минһаҗева сайлады.

"Мин ел да беренче булып сайларга тырышам, - дип сөйләде ул. - Әти белән әнидән калган гадәт. Әнием Әлфия Идрисова кибеттә эшләде. Әтием Фәрхәт Идрисов Арчаның сөт комбинатында. эшләде. Мәрхүмнәр инде. Сайлауларга матур өметләр белән киләм. Без сайлаган кандидатурадан тормыш иминлеге тора. Тыныч тормышта яшәргә насыйп булсын".                                                 Гаилә белән килсәң, беләзек тә бирәләр. Беләзек белән фотога төшеп, электрон челтәрләрдә "В контакте" да фотоларны куясың һәм хэштег язасың: #ВсейСемьейНаВыборы #ТатарстанАлга . Беләзек буенча машина уйнаталар.