Шундый булырга кирәк!

Йөзләре шат. Кулларында бүләкләр, чәчәкләр. Минем куллар үзләреннән үзләре кесәдәге фотоаппаратка үрелде. Бу мизгелләрне ничек истәлеккә фотога төшермисең инде! Актив ветераннар. Арчада яшәүче Равил Габдрахманов, Факия Шәрәфетдинова һәм Мәмсәдә ветераннар советы рәисе Тәнзилә Вәлиева. Алар лаеклы ялда булсалар да, өйдә генә утырмыйлар. Гел халык арасында. Сәхнәдә. Молодцы! Шундый булырга кирәк. Исән-сау булыйк! Бәйрәм белән! Равил Габдрахманов район ветераннар советының Мактау грамотасы белән бүләкләнде. Факия Шәрәфетдинова юбилее уңаеннан район башлыгының Рәхмәт хаты белән бүләкләнде. Котлауларга без дә кушылабыз.