Сыер урлаганнар дигән язманы укыгач, бер хәл искә төште

-- Сыерны урлап, агачка бәйләп киткәннәр дигән язманы укыгач, бер вакыйга искә төште, -- дип шалтыраттылар безгә. -- 90нчы еллар иде. Арча районы Үрнәк бистәсендә берәүләрнең сыерларын урладылар. Һәм урманда агачка бәйләп киткәннәр. Элек урманда кеше була торган иде. Кем печән, утын җыя... Шуннан агачка бәйләнгән сыерны күреп алып, милициягә хәбәр итәләр. Ике милиция хезмәткәре урманга килеп, читтән генә каракларны сагалап торалар. Эңгер--меңгердә өчәү пәйда була. Кулларында пычаклар. Милиция хезмәткәрләре өчесен дә тотып, участокка алып кайталар. Кичә Түбән Курсада төнлә сыерны алып чыгып китүчеләр дә тимер юлның теге ягында агачка бәйләп киткәннәр бит. Максатлары нинди булгандыр. Шулай ук бәлки суеп, эш итәргә уйлаганнардыр. 

тормышта әнә нинди вакыйгалар да була. Сак булырга кирәк.