Арча яңалыклары
Татарстанда 16 яшьлек үсмернең авариядә гомере өзелгән, ике пассажир җәрәхәтләнгән
Татарстанда 16 яшьлек үсмернең юл һәлакәтендә гомере өзелгән, ике пассажир төрле тән җәрәхәтләре алган. Бу хакта «Татар-информ» агентлыгына республика Дәүләт автоинспекциясеннән хәбәр иттеләр.
Авария кичә төнге өчләр тирәсендә Түбән Кама – Чистай трассасында булган. Машина йөртү таныклыгы булмаган килеш рульгә утырган 16 яшьлек үсмер, идарәсен югалтып, металл киртәгә килеп бәрелгән, шуннан соң автомобиль кюветка төшеп киткән һәм әйләнеп капланган.
Яшүсмер шунда ук үлгән. «Лада» автомобиленең төрле тән җәрәхәтләре алган тагын ике пассажирын (17 һәм 19 яшьлек егетләр) хастаханәгә озатканнар.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев