“Удача” бигрәк уңган!

Кичә Ашытбаш авылында яшәүче Рәис Шәкүров шалтыратты: “Бәрәңге алабыз, уңышка исләрең китәрлек, “Удача” сорты бигрәк  уңган!” – ди.

Икенче көнне ул Арчадагы сәүдә урынына бәрәңгеләрен, кәбестә, кабак һ.б. төяп үзе дә килде. Анда Рәисне көтеп алалар, бәрәңге сораучылар күп.

– Тырышмасаң бернәрсә дә булмый, – ди Рәис. – Бәрәңгенең чүбен утап торырга, мөмкин булса су сибәргә кирәк. Мин быел бәрәңгене 1 майда утырттым, алда безне коры җәйләр көтә, иртә  утыртсаң алданмыйсың. Сортны белеп сайларга кирәк. “Удача” һәм “Луговская” сортлары иң яхшылары дип саныйм. Тәмле дә үзләре, корылыкка да чыдам.