Арча районы командасы «Ура, авылга!» проектының нәтиҗәләрен Татарстан Республикасы Дәүләт Советы депутаты Марат Готович Әхмәтовка тәкъдим итте.
24 августта Марат Әхмәтов «Алдынгылар хәрәкәте» гомумроссия балалар һәм яшьләр хәрәкәтенең Арча районы бүлекчәсе активистлары белән очрашты. Очрашуда «Алдынгылар хәрәкәте» активистлары һәм остазлар «Ура, авылга!» проектын гамәлгә ашыру барышында алган тәэсирләре белән уртаклашты.
Проект быелгы җәйдә районыбызның Яңа Кырлай, Шушмабаш һәм Үрнәк авылларында тормышка ашырылды. Аларның ярдәме, иҗади карашы һәм тырышлыгы балалар өчен онытылмас мизгелләр тудырырга мөмкинлек бирде.
Проектның эчтәлеге һәм балалар өчен оештырылган чаралар күрсәтелде. Катнашучылар татар халкының мәдәниятен һәм гореф-гадәтләрен яшь буынга җиткерүгә юнәлтелгән кызыклы халык һөнәрләре буенча осталык дәресләре тәкъдим итте. Проект кысаларында вожатыйлар бөек татар шагыйре Габдулла Тукай әсәрләрендәге персонажларның костюмнарын киеп, балаларны көн саен әкиятләр һәм татар мәдәнияте дөньясына алып кергән. Чыганак
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев