“Водоканал” ширкәте генераль директоры Рәмис Сәгыйтьҗановның Яңа ел котлавы

Безнең “Водоканал” ширкәтенә “Татстройинвест” һәм “Идарәче компания” ширкәтләре дә керә. Безнең төп эшебез – халыкны су белән тәэмин итү, күп фатирлы йортларны ныклап төзекләндерү һәм 237 күп фатирлы йортка  хезмәт күрсәтү.

2025 елны хәвеф-хәтәрсез, исән-имин тәмамлыйбыз. Яңа 2026 елга матур планнар белән керәбез. 8 күп фатирлы йорт ныклап төзекләндереләчәк. Йорт яннары кардан чистартылып, подъездлар каралып тора. Халыкны су белән тәэмин итүдә дә өзеклекләр бумасын өчен тырышабыз.

Хезмәттәшләребезне, район халкын чын күңелемнән Яңа ел белән котлыйм! Ул һәр йортка, гаиләгә бары тик шатлык-сөенечләр генә алып килсен!