Арча яңалыклары
Яңа Кенәрдә хоккейны яраталар
Узган шимбәдә генә 2005-2006 елгылар уйнаган иде,бу атнада тагын да яшьрәк малайлар турниры узачак.
6 февральдә Яңа Кенәрдә авыл җирлеге башлыгы призына 2005–2006 елгы яшүсмерләр командалары арасында хоккей турниры узды. Турнирда боз хуҗаларыннан тыш Яңа Кырлай, Купка (Кукмара районы), Балык Бистәсе, Әтнә, Шуни (Киров өлкәсе) командалары катнашты. Турнирда Кукмарадан килгән кунаклар беренчелекне яулады һәм кубокка ия булды. 2нче урында Яңа Кенәр, 3нче урында Балык Бистәсе командалары.
13 февральдә Яңа Кенәрдә 2007 елгы һәм аннан яшьрәк малайлар арасында Альберт Урузбаев исемендәге хоккей турниры узачак. Монысына Югары Аты һәм Әтнәдән кунаклар көтелә. Турнирны оештыруга Альберт Урузбаевның гаиләсе һәм дуслары матди ярдәм күрсәтә.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев