Бер көнлек танышына пычак белән ташланган

автор, 19 март 2023 - 05:14

687

Казанда Бондаренко урамындагы фатирларның берсендә 26 яшьлек кызның мәетен табалар. Муены пычак белән яраланган була.

Бер көн элек мәрхүм интернет аша танышкан чит ил кешесен кунакка чакырган. Сүз иярә сүз китеп, гашыйклар талаша һәм җинаятьтә шикләнелүче кызны үтерә.
Һәлак булган кызның мәетен күршесе таба. Ир-ат ачык калган ишеккә игътибар итә, ә аның артында кан эчендә ятучы кызның үле гәүдәсен күреп ала. Әлеге вәхшилектә шикле кешене тиз ачыклыйлар, видеокүзәтү камералары ярдәмгә килә.

Кадрларда егетнең Әмирхан урамындагы мәчет ягына качуы күренә.
Җинаятьтә шикләнелүче якын чит илләрнең берсеннән килгән 22 яшьлек кеше. Хәзер ул тикшерү изоляторында.