Казанда бишенче көн инде югалган 13 яшьлек үсмерне эзлиләр

автор, 20 февраль 2023 - 10:30

918

Казанда инде бишенче тәүлек 13 яшьлек малайны эзлиләр. 16 февральдән бирле егетнең кайда икәнлеге билгесез, дип яза «Татар Информ».

Казанда бишенче көн инде югалган 13 яшьлек үсмерне эзлиләр

Яшүсмернең буе якынча 162см, кара чәчле, күзләре коңгырт төстә. Өстенә кара-зәңгәр төстәге куртка, кара трикотаж свитер, зәңгәр джинсы чалбар, кара ботинка, аклы-кызыллы кара шапка кигән.

Казан буенча Россия эчке эшләр министрлыгы матбугат хезмәтендә хәбәр итүләренчә, яшүсмерне эзләү эшләре алып барыла. 16 февральдә ул мәктәпкә дип чыгып киткән һәм юкка чыккан. Үсмернең югалуы турындагы гариза «Ямашевский " полиция бүлегендә теркәлгән.