“Матәм чараларын оештыру чорында ЛДПР фракциясе җитәкчесе вазыйфаларын вакытлыча башкаручы итеп Леонид Эдуардович Слуцкий билгеләнде”, – дип белдерелгән ТАСС хәбәрчесенә партиядән.

Фракция оештыру һәм кадрлар мәсьәләләрен хәл итүне әлегә туктатып торган.

Исегезгә төшерәбез: ЛДПР лидеры Владимир Жириновский бүген 76 нчы яшендә вафат булды. Аның вафаты турында Дәүләт Думасы Рәисе Вячеслав Володин хәбәр итте.

“РИА Новости” мәгълүматларына караганда, Жириновский туганнары янына – Мәскәүнең Троекуровское зиратында җирләнәчәк.