Синоптиклар фаразы: киләсе кыш гадәттәгедән кыскарак булачак

КФУның Экология һәм табигатьтән файдалану институтының метеорология, климатология һәм атмосфера экологиясе кафедрасы доценты Тимур Әүхәдиев ТНВдагы «7 көн Плюс» тапшыруына биргән әңгәмәсендә киләсе кышның гадәттәгедән кыскарак булачагын аңлатты.

— Быел без, рәсми фараз буенча, кыска кыш көтәбез. Декабрь аенда һава температурасы климат нормасыннан түбәнрәк булыр дип көтелә, ләкин җылы көннәр дә шактый булачак, — дигән галим. — Февраль аномаль җылы булыр дип фаразлана. Шулай итеп, бу кыш гадәттәгедән кыскарак булырга мөмкин.

Чыганак: Шәһри Казан