Пандемия башланганнан алып Татарстанда Covid-19 инфекциясеннән 724 үлем очрагы теркәлгән.
(Казан, 22 сентябрь, «Татар-информ»). Татарстанда тагын өч кеше коронавирустан үлгән. Алар арасында 1933 елда туган хатын-кыз, 1950 һәм 1957 елларда туган ике ир-ат бар.
«Үлем сәбәпләре патологоанатомик экспертиза нәтиҗәсендә ачыкланган. Вирус идентификацияләнгән», диелгән Татарстан Сәламәтлек саклау министрлыгы хәбәрендә.
22 сентябрьгә булган мәгълүматлар буенча, пандемия башланганнан алып Татарстанда Covid-19 инфекциясеннән 724 үлем очрагы теркәлгән.
Нет комментариев