Татарстанда 24 мең кеше сайлау участогында ковидка һәм гриппка каршы прививка ясаткан

(Казан, 21 сентябрь, «Татар-информ», Рифат Каюмов). Татарстанның Үзәк сайлау комиссиясе рәисе Андрей Кондратьев 24 мең татарстанлының 17-19 сентябрьдә сайлау участокларында ковидка һәм гриппка каршы прививка ясатканын әйтте.

«Сайлау участокларында 848 вакцина ясату пункты оештырылды. Моны башкару бик җитди оештыру эшен таләп итә. Сайлауга килгән 24 мең кеше ковидка һәм гриппка каршы прививка ясатты», — диде Татарстанның Үзәк сайлау комиссиясе рәисе Андрей Кондратьев. 

Татарстанның Хөкүмәт йортында узган брифингта Андрей Кондратьев медицина хезмәткәрләренә зур рәхмәтен җиткерде.

 https://tatar-inform.tatar/news/health/21-09-2021/tatarstanda-24-me-keshe-saylau-uchastogynda-kovidka-m-grippka-karshy-privivka-yasatkan-5838527

Хәзер Арча һәм Арча районы яңалыкларын безнең Telegram-каналдан да белә аласыз