Татарстанда яшәүче хатын үз теләге белән хәрби операциягә китәргә җыена

Үз теләге белән хәрби операция зонасына китәргә теләгән Түбән Кама кызы хәзерге вакытта Чаллыда хәрби әзерлек курслары үтә. Хатын берничә тапкыр хәрби комиссариатка килә, әмма балигъ булмаган балалары булганлыктан аның гаризасын кабул итмиләр.

"Волонтер булып китәсем килә. Минемчә, бәлки, әзерлек булса җибәрерләр дә. Чөнки махсус хәрби операциягә барырга теләмәгән яки яшеренеп ятучы күпме кеше бар арабызда. Мондыйларга начар мөнәсәбәттә мин", - дигән хатын chelny-biz.ru басмасына биргән интервьюсында.
Хәзер ул Татарстан ДОСААФында хәрби әзерлек курслары уза. Разведкада хезмәт итәргә тели. 

Чыганак: http://shahrikazan.ru/news/kyiskacha-ya%D2%A3alyiklar/tatarstanda-yashche-khatyn-z-telge-beln-khrbi-operatsiyag-kitrg-yena