Республикада иң табышлы эш - файдалы казылмалар чыгару. Бу өлкә хезмәткәрләренең уртача хезмәт хакы аена 72 мең сумнан артык тәшкил итә. Икенче урында уртача 67,3 мең сум хезмәт хакы белән мәгълүмат өлкәсендәге эшчәнлек тора. Өчлекне 60,9 мең сум уртача хезмәт хакы белән иминият һәм финанс өлкәләре хезмәткәрләре яба.

Татарстан предприятиеләрендә һәм төрле оешмаларында барлыгы 1,2 миллионнан артык кеше эшли. Иң күп эшче эшкәртү производстволарында, анда 251 мең кеше эшли, хезмәткәрләр саны буенча икенче урында - мәгариф өлкәсе (147 мең кеше), өченчедә - күпләп һәм ваклап сату, шулай ук ремонт (140 мең).

Бу хакта тулырак: https://tatar-inform.tatar/news/tatarstanlylarnyn-ailyk-urtaca-xezmat-xaky-46-men-sumnan-artkan-5852350