Яңалыклар
Укытучылар өчен шәп яңалык!
Быелдан «Россиянең ел укытучысы» бәйгесе җиңүчеләре 1 миллион сум күләмендә приз ала башлаячак, призерларга 500 мең сум түләячәкләр.
РФ Премьер-министры Михаил Мишустин урынбасарлары белән оператив киңәшмәдә шулай дип белдерде. Бу хакта ТАСС агентлыгы хәбәр итә.
«Мәгариф министрлыгы үткәрә торган башка шундый ярышларда җиңгән катнашучыларны да 200 мең сум күләмендә акчалата бүләк көтә», - диде Россия Хөкүмәте башлыгы.
Ул кабул ителгән карарның педагогларга ярдәм күрсәтүгә юнәлдерелүен искәртте. «Бу иң талантлы һәм иҗади эшләүче педагогларга булышырга, әлеге һөнәргә тагын да күбрәк сәләтле яшьләрне җәлеп итәргә мөмкинлек бирәчәк», - дип өстәде Мишустин.
РФ Президенты Владимир Путин күрсәтмәсе белән 2023 ел Россиядә Укытучы һәм остаз елы дип игълан ителде.
Чыганак: http://shahrikazan.ru/news/kyiskacha-ya%D2%A3alyiklar/ukytuchylar-chen-shp-yaalyk
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев