«Прорыв» турниры яшь спортчылар өчен тәҗрибә туплау, үз көчләрен сынау һәм алга таба үсеш өчен мөһим мәйданчык булды.
Уфада мини-футбол буенча «Прорыв» турниры узды. Ярышларда җиде көчле команда катнашты. Уеннар түгәрәк система буенча үткәрелде, шуңа күрә һәр очрашу һәм һәр җыелган очко мөһим булды.
Турнирда Арча шәһәрен ике команда тәкъдим итте. Арча җыелма командасы (2013-2014 елгы уенчылар) ярышларны җиңелүләрсез тәмамлап, барлык көндәшләренә дә лаеклы уен күрсәтте һәм беренче урынны яулады.
«Адил Мөхәммәтҗанов академиясе» командасы да уңышлы чыгыш ясады. Команда бары тик турнир җиңүчесенә генә оттырып, ярышларның көмеш призёры булды.
Командалар тренерлары – Адил Мөхәммәтҗанов, Ренат Насыйбуллин, Кәрим Хәкимов, Искәндәр Закиров.
Фото – Арча спорт мәктәбенең макс каналыннан
Нет комментариев