Арча яңалыклары
Авариядә Ашытбаш кешеләре һәлак булган
Бүген иртән Кенәр юлындагы авариядә Ашытбаштан ике кеше һәлак булган.
Бүген иртән Кенәр юлындагы авариядә Ашытбаштан ике кеше һәлак булган. Рәсми булмаган үз чыганакларыбыздан алынган мәгълүматлар буенча, иртәнге авариядә "Тойота" машинасында Ашытбаштан Нәкыйп исемле кеше булган. Арчадан авылга кайтышлый пассажирлар алган. Берсе авылдашы Алисә исемле ханым. Икесе дә һәлак булганнар. Тагын бер пассажир булган, ул да үлгән, тик аның кайсы авылдан икәнен белмиләр.
Алисәнең 7, 6 сыйныфта укучы ике улы, 3 яшьлек бер кызы ятим калган. "Авылда Нәкыйпнең машинасының көпчәге шартлап каршыга килүче машинага килеп керүе дә, йөрәге туктаган булуы да бар, дип сөйлиләр", - диделәр безгә.
Төгәл сәбәбе тикшерүләрдән соң билгеле була. Ничек кенә булмасын, әлеге кешеләрнең гаиләләре өчен әйтеп бетергесез зур кайгы бу. Чын күңелдән кайгыгызны уртаклашабыз.
Моннан тыш әле ике кеше Арча хастаханәсендә авыр хәлдә, операция өстәлендә. Аларга сәламәтләнүләрен телибез.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Комментарии
0
0
Аллам сакласын инде,мондый хэсрэтне берэугэ дэ кичерергэ язмасын
0
0
0
0
бик авыр хэсрэт
0
0
0
0
Алиса матурыбыз хэм нэкип абый урыныгыз ожмахта булсын тыныч йоклагыз я раббым
0
0
0
0
Аллах Тэгалэ рухларыгызны жэннэт бакчаларында насип итсен,туганнарыгызга балаларыгызга сабырлык бирсен,биик авыр югалту бер гонахсыз сабыйларга.
0
0