Арск-Информ
  • Рус Тат
  • Борай ярмасыннан вак бәлеш пешерәбез (Рецепт)

    Борай составында аксым күләме башка культуралардан 27-35 процентка артыграк, кеше организмы өчен алыштыргысыз саналган 18 аминокислота бар, витаминнарга бик бай.

    Борай ярмасыннан вак бәлеш каз һәм үрдәк итләре белән бик тәмле булачак.

    Камыр өчен: 100 грамм маргарин, 150 мл җылы сөт, 150 мл җылы су, 20 грамм чи чүпрә, 1 аш кашыгы майонез, 1 аш кашыгы шикәр комы, тәменчә тоз, он.

    Эчлек өчен: 200 грамм борай ярмасы, 600 грамм фарш яисә ваклап туралган ит, 2 уртача суган, кишер.

    Эчлекне кичтән әзерләп куярга мөмкин. Ярманы тозлы суга салып йомшарганчы пешерергә кирәк. Пешкәч салкын суда юып алырга. Фаршны сыер маенда кыздырырга да, ярмага салып болгатырга.

    Реклама

    Суганны үтә күренмәле булганчы, кишерне эре кыргычтан чыгарып, сыер маенда кыздырырга. Эчлеккә барысын бергә салырга, тәменчә тоз, борыч салырга.

    Чүпрәне җылы баллы суда кабартып алырга. Калган ингредиентларын салып камыр басарга. Камырны кабартып тормыйча, шунда ук вак бәлешне ясап, мичкә куярга, өсте кызаргач әзер була.

    Гөлфинур Дувалова

    https://intertat.tatar/news/cooking/25-02-2020/g-lfinur-duvalovadan-boray-yarmasynnan-vak-b-leshl-r-retsepty-5724883

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: