Арск-Информ
  • Рус Тат
  • «ЭпиВакКорона» вакцинасын сынау өчен 650 кеше сайлап алынган

    Татарстанда «ЭпиВакКорона» вакцинасын сынау өчен 650 кеше сайлап алынган

    Татарстанда «ЭпиВакКорона» вакцинасын сынау өчен 650 кеше сайлап алынган. Бу хакта «Татар-информ» мәгълүмат агентлыгында узган матбугат конференциясендә Роспотребнадзорның ТР буенча идарәсе матбугат секретаре Миләүшә Җамалиева сөйләде.

    Сынауда укытучылар һәм Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе хезмәткәрләре катнашачак.

    «Татарстанда 650 ирекле кеше сайлап алынды. Республиканың оператив штабы тарафыннан теркәлгән клиник тикшеренүләрдә катнашучы иреклеләр риск төркеменнән: мәгариф өлкәсе һәм Роспотребнадзор системасы хезмәткәрләреннән сайланачак», - диде спикер.

    Ул Россия буенча тикшеренүләрдә Россиянең биш субъектыннан, анда Татарстан да кергән, 4 мең кеше катнашачагын әйтте.

    Реклама

    Исегезгә төшерәбез, 14 октябрьдә Россиядә «ЭпиВакКорона» коронавирусыннан икенче вакцина теркәлде.

    Вакцинаның төп аермасы вирус фрагментлары — синтетик пептид антигеннары булудан гыйбарәт. Иммун реакция китереп, препарат иммунитетны алга таба арттырырга, ныгытырга ярдәм итә.

    Татар-информ: https://tatar-inform.tatar/news/health/02-12-2020/tatarstanda-epivakkorona-vaktsinasyn-synau-chen-650-keshe-saylap-alyngan-5789696

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: