Арск-Информ
  • Рус Тат
  • Февральдә дә зәмһәрир салкыннар көтелми

    Шулай да, февраль, гыйнварга караганда, бераз салкынрак булыр дип фаразлана.

    Быел февраль аенда да зәмһәрир салкыннар булуы көтелми. Бу хакта бүген «Татар-информ» агентлыгында булып узган матбугат конференциясендә КФУның Метеорология, климатология һәм атмосфера экологиясе кафедрасы мөдире Юрий Переведенцев сөйләде.

    «Февраль гыйнварга караганда салкынрак булса да, көчле суыклар көтелми. Көнбатыш-көнчыгыштан һава күчеше чигенмәячәк, шуның аркасында февральдә дә җылы булачак», — диде.

    Ул 2007 елда гыйнварның икенче декадасында һава температурасы быелгыча югары торганын, ләкин 25 гыйнварда минус 15 градус булганын искә төшерде. «Ничек кенә булса да, февраль гыйнварга караганда бераз кышкычарак булыр дип фаразлыйбыз», — диде Юрий Переведенцев.

    Реклама

    Кафедра доценты Тимур Әүһәдиев сүзләренчә, җылы гыйнвар артыннан гадәттә 46 процент очракта җылы февраль килә.

    Быел гыйнвар аенда температура нормадан 10-12 градуска югары булган.

    Татар-информ

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (1)
    Осталось символов:
    • 23 гыйнвар 2020 - 22:26
      Без имени
      Хут кергәч бераз салкынайтса гына инде. Августның ике декадасы да салкын булды, февральдә салкынга өметләнеп булмас. Кышкы салкыннарны җәй урлады.